吊鹽水 - 20090908

道聽途說，各行各業各式各樣打工仔女皆有「吊鹽水」跡象。

「吊鹽水」真是一個有趣的形容詞。需要它，可能是小病初癒，身體有點虛弱，以此保充養份，用途還算正面；反之，更多的時候，「吊鹽水」的對象是個半生不死，群醫朿手無策的病人，以之吊住條命仔。

只怪政府沒有想像力，死攬高地價政策不放，以致其他行業未能健全發展。曾經，我們想做中藥港、科技港、教育港、更甚的還有外國邪惡勢力吹棒的「紐倫港」。但最大問題是，乜港物港結果都係得個講。所以，我們惟有繼續靠賣地賣樓「吊鹽水」。

相比政府的「一招了」，我輩打工仔女「吊鹽水」的方式卻是多到「你估佢唔倒」。有人被迫放40日無薪假期，有人的OT多過正常返工時間，個個都要擦鞋 . . . 最absurd例子是，有人返工無野做、準時收工出糧，但係轉唔到工！這般「吊鹽水」法，也算最幸運了。

唉，但總不能任意拔喉吧。