竊聽風雲 - 20090809

昨晚在元朗百老匯看了『竊聽風雲』。看前有些微期望，結果有少許失望。

先講個cinema house，細到無倫而且設備分分鐘衰過私人屋苑果d都仲收我$49位。妖！

戲的英文名叫『Overheard』。心想：竊聽不是『Eavesdrop』嗎？Overheard係無意中聽到嘛 . . . 看畢，還是有點疑惑，戲中警察分明是主動竊聽，儘管竊聽所得資料和竊聽目的有偏差 . . .

能明白電影票房報捷原因，主要是選角精明。拖友入場，男睇劉青雲女睇吳彥祖，各懷鬼胎但又各取所需，因為劉青雲真的好戲而吳彥祖又真的好型！

失望主因是套戲爛尾。喂，我諗香港人無邊幾個無睇過『國產零零柒』掛？咁抄法都得？另外戲中有些細節亦叫人莞爾，古天樂同楊鈴想搞野之際，拎個dom出黎 . . . 但係佢屋企就成棚細路！究竟係個角色生左咁多細路至知驚要出入平安？又或是為了交代想搞野呢個情節，而忽略了人物應有性格？

有得揀過，都係租DVD。